გამოკვლევის პროგრამა

საბუთი, რომელიც აუცილებელია ემპირიული სოციალური გამოკვლევის ჩასატარებლად. გამოკვლევის პროგრამა კვლევის დაწყებამდე უნდა შემუშავდეს. აქ ჩამოყალიბებულია გამოკვლევის სტრატეგია, დასაბუთებულია გამოკვლევის პრობლემის მნიშვნელობა და აქტუალურობა და მის შესასწავლად შერჩეული გზების (მეთოდების) გამოყენების მართებულობა. გამოკვლევის პროგრამის საფუძვლიანი დამუშავება ხელს უწყობს ხარისხიანი გამოკვლევის ჩატარებას და სანდო შედეგების მიღებას, თუმცა წმინდა გამოყენებითი გამოკვლევების შემთხვევაში მისი შემუშავება შეიძლება არ მოხდეს.

Source: ზურაბიშვილი თინათინ. თვისებრივი მეთოდები სოციალურ კვლევაში: სალექციო კურსი სოც. მეცნ. მაგისტრატურისათვის / თინათინ ზურაბიშვილი; [მთ. რედ.: მარინე ჩიტაშვილი, ენობრ. რედ.: ლია კაჭარავა] - თბ.: სოციალურ მეცნიერებათა ცენტრი, 2006